Draumejobben?

Nja, eg ville no ha ikkje sagt det i går. Men i dag var det veldig kjekt, og det er nettopp i dag eg skal skriva om. I dag.

I dag (begynner du å verta lei?) vart det då min tur til å skriva om dei forskjellige hendinga frå arbeidslivet; positive hendingar.
For i dag fekk me (eg og Silje) sjå korleis det er meint at kafèen Hos Hanne er meint at den skal vera. I dag var det torsdag, òg kjend som den koselege middagsdagen.
Me vart med ein gong satt til arbeid då me kom (i tide og greier) for i dag skulle det lagast komler.
Det kom etter kvart fleire betalande middagsgjester som skapte ein hyggjeleg atmosfære, og me fekk oppleva glamouren med å jobba å kafè.
Mint!
Eg fann ut kva eg ska gjera i heile sommar (avis og kaffi), og det var stort sett det eg gjorde i dag.

Det har vore snakk om hygienen på kjøkenet, og herved beklager eg, for me har nok overdrive i ekte pondus-stil. For det er reint det og hygienisk der. Heile tida. Me hadde nok berre ein uheldig fyrste arbeidsdag.

Og så var det nokre andre saker eg ville ta opp, angåande bloggen.
Det fyrste eg gjorde då eg kom, var å sletta to innlegg.
Det fyrste var skrive av ThJomas, og heilt meiningslaust.
Det andre trudde eg var skrive av Silje, men faktisk var det eks-medlem Vidar som hadde fått tak i Silje sitt passord, for å så skriva eit komplett idiotisk innlegg.
Silje, viss ikkje du skifter passord, sletter eg deg. Passordet er der av ein god grunn!