Sosialt på bass-øving:)=)

Eg må nesten få ned på papir kor kjekt me har det på bass-øving. Me, altså eg og Jørgen samlar beina og snublar over dørstokken til "Hos Hanne" kvar måndag. Men idag var Ketil og Maria med. Det var veldig kjekt:) Eg høyrte Maria bak meg heile tida, ho lo av alt Roger sa til meg. Og Ketil og Roger diskuterte om utanlandske komponistar med merkelige verk. Det er underhaldning i seg sjølv. Men tilbake til bassøvinga. Det er ufattelig morosamt, kjekt, lærerikt, underhaldane, musikalt og slike ting på bassøving. Roger, basslæraren vår, er heilt genial! Han er så musikal som det går an å bli, og ein får nesten gåsehud kvar einaste gang han spelar, anten på vanleg akkustisk eller bassgitar. Han er jysla morosam, humoristisk og han er seg sjølv, og er ikkje redd for å vise det. Det er det som er så positivt med han, pluss at han ser veldig tøff ut. Kvar einaste bassøving held roger "foredrag" om noko. Så vidt eg kan hugsa har han holdt "foredrag" om røyking, han seier at røyking er svært farleg og skadeleg mens han tek seg eit digert drag og nyt det fullt og heilt ut.. Om narkotika, sex, Led Zeppelin, Flea, syklar, ulike bass merker og andre "normale" emner.

Kvar einaste mandag kjem Bjarte, eigaren av lekebutikken til syne i døra og demonstrerer med kroppen at me skal ta det lavare. Roger har faktisk ikkje skjønt enda at me har det jysla høgt på når me spelar. Han er visst svært tunghøyrt. Lika morosamt kvar gong Bjarte kjem og vil at me skal dempa lyden, Roger blir så sur av det, og ein gang vart han så deprimert av det at han bokstaveleg talt kasta bassen på bordet. Hehe..

På bassøvingane "Hos Hanne" får ein til og med servert mat! No ler du vel, Thomas.. Haha.. Veldig morosamt.. Me får servert anten ein eller annan kakesort, middagsrett eller liknande. Ein mandag trua han oss med smalahove. Men då berre lo han og kom inn til oss med Wales kringle. Ein gang fekk me eplesaft servert oppi eit ølglas. Det såg heilt ut som øl. Det morosamaste med den mandagen var at det var ei gammal dame som stod utanfor døra ved "Hos Hanne", og såg forskrekka inn. Ho såg selvfølgelig inn akkurat då eg og Jørgen pimpa resten av "ølet". Hehe.. Ho såg ikkje heilt god ut, og skyndte seg vekk frå døra og fortalte nabokjerringa at "Han der Roger gjer ungdommen øl"!! Hehe... Men me tok selvfølgelig alt med ein god latter. Roger vart ikkje så bekymra av det, han sa at han var vant med sånt "kjerringsnakk" om han.

Ein kan gjere mykje rart på ei bassøving. Dei merkelegaste tinga me gjer er å spele fotball på kjøkenet, le av alt og ingenting, skrika at dassen holde på å eksplodera, sjølv om det eigentleg var gassen, men det kan eg ta ein annan gang. Og slike daglegdagse opplegg. Eg har mange flotte minner av denne vekendtlege bassøvinga, det har vore vekas høgdepunkt. Berre synd at det var siste obligatoriske gang idag:( Snufs.. Eg kjem til å savne Roger, det har vore ein fornøyelse å vorte kjend med han:) Eg rådar alle til å ta seg ein tur innon "Hos Hanne". Det er absolutt verdt det. Hanne må eg og sjølvsagt skryte av. Ho lagar fantastisk god mat! Kjem til å savne roger, som sannsynlegvis ikkje kjem til å vere basslærar eller gitarlærar til neste år:(

Takk for meg..